Kutendevuka Kwezvokwadi

Nyika inotirova nguva dzose nemashoko erusununguko, kuita zvaunoda, nekuzvifadza—zvinopesana nerukoko rwaMwari rwekuva varanda nekuva vanyoro (Mateo 5:5). Zvinofadza kuvona kuti mashoko akatanga kunyorwa na Johani Mubhapatidzi muBhaibheri akanga akafanana neaJesu. Johani akati, “ ‘Tendevukai, nekuti vushe hwekudenga hwaswedera!” (Mateo 3:1, 2). Jesu akati, “ ‘Nguva yazadziswa, yekuti vushe hwaMwari husvike. Saka tendevukai mutende muevhangeri’ ” (Marko 1:14, 15; tarisa woRuka 24:46, 47). Vose Jesu na Johani vakakoka vakanga vakateerera kuti vatendevuke nekuti vushe hwedenga hwava pedyo. Kuti mashoko mamwechete aya anofanira kutaurwa vo nhasi?

Mutsa nekunaka kwaMwari kunotungamirira (VaRoma 2:4). Kutendevuka kunosanganisira zvinhu zviviri izvi: (1) Kurwadziwa kwechokwadi kwakaperera nekuda kwezvivi ne (2) kuzvimisira kurevesa kwekusiya zvakaipa. MuBhaibheri, kutendevuka kunowanza kuteverwa nekuregererwa. Kutendevuka kwekurevesa, Mwari anoregerera. Ndizvo chete, zvakareruka kudai (1 Johani 1:9, Zvakazarurwa 3:19). “Ishe havanonoki kuzadzisa zvitsidzo zvavo, sezvinoreva vamwe vachiti hunonoka, asi vane mwoyo murefu nesu, havadi kuti kuwanikwe ungarasika asi kuti vose vatendevuke” (2 Petro 3:9). Patinogadzirira mumwe nemumwe wedu oga Kudzoka Kwechipiri, Mwari anotipa nguva yekugadzirisa zvinhu naye.

Jesu akatambudzwa akafa, akamuka kuitita kuti kana tikatendevuka, nyasha dzake dzinogona kushanda minana muvupenyu hwedu. Kunyikawo, mukusiyana kwazvo, inotivudza kuti hatina chakaipa patiri, Mwari anoda kuti tiinde kwaari mukutendevuka nekutenda (Mabasa 20:21), kuzviisa zvakazara mumavoko ake kuti atichekerere nekutiita vakanaka zve vane chimiro chake, nekumupupurira (Johani 15:2, 8). Tinobva takura nekubereka muchero unowirirana nekutendevuka (Mateo 3:8).

“Hakuna kutendevuka kwekurevesa kusingaunzi shanduko. Kururama kwaKristu hakusi jazi rekuvhara zvivi zvisina kurevururwa kana kusiiwa; mutemo wekurarama nawo unoshandura chimiro nekudzoredzera zviito.”—Ellen G. White.